Имањето здрави навики кои траат е клучно за успехот на водечките светски претприемачи и бизнисмени. Навика е повторено однесување кое со текот на времето станува потсвесно. Намерното поставување на позитивни навики може да ви помогне како претприемач во вашиот личен развој.
Па, кои се некои од секојдневните навики на успешните луѓе во бизнисот кои Вие треба да ги примените во Вашето секојдневие оваа година?
Секој еден од нас има навики – намерни или потсвесни – во повеќето области од нашиот живот, без разлика дали станува збор за спиење во одредено време или одење на прошетка секој ден. Добрите навики можат да им помогнат на луѓето да се чувствуваат среќни и здрави, додека лошите навики можат да создадат негативност и да го запрат напредокот.
Кога станува збор за бизнисот, имањето претприемачки дух е добра почетна точка, но надградбата на тоа со здрави навики може да ги зголеми шансите за успех. Еве три клучни области на кои сопствениците на бизниси треба да се фокусираат за да создадат трајни и здрави навики оваа година.
Направете навика да бидете организирани
Организацијата е важна ако сакате да го развиете Вашиот бизнис бидејќи недостатокот на структура може да доведе до конфузија.
Еве некои од најпопуларните навики на успешните деловни луѓе кога станува збор за организираност и фокусираност:
- користете го правилото „80/20“ – исто така познато како „the Pareto Principle“. Овој концепт сугерира дека 80 проценти од резултатите доаѓаат од 20 проценти од вашите напори и вообичаено се користи за зголемување на бизнисот;
- поставете цели и редовно прегледувајте ги – тоа можете да го направите на лично и на деловно ниво. Поставувањето цели ве одржува одговорни и е одличен начин за мерење на успехот и развојот;
- фокусирајте се на најважните работи – кога прво се справувате со вашите најголеми задачи, ја подобрувате вашата ефикасност. Многу претприемачи ги запишуваат своите три најважни задачи на почетокот на денот и ги завршуваат пред да преминат на било што друго.
Создадете рамнотежа во работниот живот
Водењето бизнис може да биде сеопфатно, што може да предизвика претприемачите да ги запостават другите важни делови од нивниот живот. Без разлика дали се работи за поминување повеќе време со семејството или започнување ново хоби, наоѓањето слободно време надвор од работата е клучно ако сакате да избегнете „прегорување“.
Еве неколку здрави навики кои можат да ви ја дадат вистинската рамнотежа и да му помогнат на вашиот бизнис да напредува:
- разбудете се рано – ова е една од најчестите утрински навики на успешните луѓе. Популарна е затоа што ви дава повеќе време да се фокусирате на претстојниот ден и да се справите со критичната работа пред напорните традиционални работни часови;
- најдете време да „се исклучите“ – без разлика дали одите на одмор, долго пешачите или едноставно не го проверувате телефонот неколку часа, исклучувањето може да ви помогне да си ги „наполните батериите“ и да се вратите на работа со чист ум;
- внимавајте на вашето ментално здравје – стресот од водење бизнис може да доведе до лошо ментално здравје. Прочитајте го нашиот водич за тоа како да го поддржите менталното здравје на работа, плус како можете да го намалите стресот преку јога.
Потрудете се да изградите цврсти односи во бизнисот
Друг важен сет на здрави навики се однесува на градењето односи во бизнисот. Имање добра мрежа за поддршка е клучно доколку сакате да се развивате и лично и професионално. Некои претприемачи сметаат дека запознавањето на нови луѓе е секогаш добредојдено, и може да ви помогне да останете со отворен ум и да ви отвори нови можности. Дури и ако дружењето лично не ви доаѓа природно, има многу начини да запознаете нови луѓе онлајн преку настани и заедници:
- бидете дел од бизнис настани колку што е можно повеќе – никогаш не знаете кога можеби ќе ви треба помош од некој што сте го сретнале во минатото. Може да биде корисно да стекнете навика да присуствувате на одреден број настани секој месец или година (лично или онлајн);
- изградете тим на кој можете да му верувате – ретко кој е вистински успешен без добри луѓе околу себе. Клучно е да имате блиски контакти на кои им верувате дека ќе ви помогнат при донесувањето одлуки и на клучните настани;
- запознавајте луѓе од други сектори – ниту еден претприемач не сака да стагнира и за многумина можноста да запознаат луѓе со различни искуства може да поттикне нови идеи.
Како да изградите здрави навики
Кога размислувате кои здрави навики да ги практикувате, фокусирајте се на она што ви треба повеќе за да успеете. Создавањето навики кои траат е тешко, па затоа е важно кон работите да се пристапува постепено. Ако се обидете да направите сè одеднаш, поголема е веројатноста да се откажете пред навиките да станат втора природа.
Поставувањето цели можеби е една од навиките што сакате да ги започнете, но исто така е ефикасен начин за планирање и следење на другите навики. Пишувањето годишен или шестмесечен план за развој може да ја подобри одговорноста, додека размислувањето за вашите навики на секои неколку месеци помага да се идентификуваат областите каде што треба да ги фокусирате вашите напори.
