Важен аспект на секој успешен бизнис е како тој комуницира со своите клиенти и соработници.
Внатрешната комуникација е како една компанија комуницира со своите вработени, додека надворешната комуникација се занимава со клиентите и соработниците.
Кога комуникацијата се одвива добро, ќе донесе многу деловни придобивки и ќе му помогне на твојот бизнис да ја зголеми довербата кај сите засегнати страни.
1. Лично поврзување
Одвои време да разговараш за семејството или други лични работи со своите клиенти и соработници. Ова ќе помогне тие да видат дека бизнисот ти значи повеќе од само пари; се работи за создавање вистински врски.
Така ќе ја прилагодиш комуникацијата и ќе изградиш лојална база на партнери што ќе го однесе твојот бизнис на нови нивоа.
2. Интересени њуслетери (newsletters)
Имаме среќа што работиме во ера на дигитални комуникации, што помага да се премости физичкото растојание помеѓу бизнисите и надворешните засегнати страни. Сепак, најефективниот начин за подобрување на односот бизнис-клиент е да се користи медиум за комуникација што исто така се користел во печатените и аналогните времиња: њуслетер.
Добрата и привлечна содржина ги привлекува читателите, а ефективната порака може да биде креативно имплементирана. Имањето секција каде што се прикажани профилите на клиентите/соработниците е исто така одличен начин за продолжување на врската со нив, бидејќи секој сака да чита за себе.
3. Одржувај конзистентност
Има многу работи кои можеш да ги направиш за да ги подобриш деловните односи. Технологијата е еден од најдобрите начини за одржување на контакт. Видео-конференции, е-пошта, инстант пораки и други мобилни гаџети и платформи за социјални медиуми се исто така алтернативни начини за поврзување со другите. Но, треба да си доследен и редовен со распоредот за комуникација, без разлика дали е неделен или месечен. Ова ќе им покаже на твоите деловни партнери и клиенти дека ги цениш односите со нив и дека си посветен/а на одржување контакт без да бидеш премногу наметлив/а.
Редовното следење или ажурирање, без разлика дали преку е-пошта или апликации за пораки, може да ги намали погрешните комуникации и исто така да ја зголеми јасноста на состаноците, особено кога се прави преку видео.
4. Редовно комуницирај користејќи го нивниот претпочитан метод
Одржувањето редовна комуникација со клиентите и партнерите на долги растојанија ќе придонесе многу за подобрување на деловните односи. Важно е да се земе предвид нивниот претпочитан метод на комуникација и да се дозволи тоа да ја поттикне твојата комуникациска стратегија, која може да изгледа различно за секој клиент.
Ако тие се строго само за е-пошта, размисли за пораките што ги испраќаш. Ако знаеш дека претпочитаат телефонски или видео повици, направи план и одреди тековен датум за комуникација со нив со цел да се чувствуваат ценето.
5. Хуманизирај ја секоја комуникација
Обиди се да ги хуманизираш комуникациите што е можно повеќе. Вклучи ја личната перспектива заедно со професионалната. Обиди се да вложиш повеќе за да ги решиш сите поплаки или предизвици што може да се појават на моменти. Биди брз/а во обезбедувањето решенија и обидувај се да ги персонализираш комуникациите.
Професионалната компетентност е еднаква на професионална доверба, особено во деловните односи на далечина. Секогаш обудвај се да придонесуваш за личниот живот на луѓето со кои сте во контакт.
6. Фокусирај се на квалитетна услуга
Клучот е во комуникацијата; сепак, комуникацијата не секогаш е „во живо“. Исполни ги сите рокови, поставувај ги вистинските прашања и давај ги вистинските одговори. Соработниците и клиентите тогаш ќе те сакаат, а далечината нема да биде важна. Луѓето повеќе сакаат да работат со некој што е квалитетен и ефикасен. Секако, со локалните партнери можеме да пиеме кафе и да разговараме за разни теми, но тоа може да се направи лесно и преку Zoom или е-пошта.
